Popular Bible Verses from Jeremías 3

Share

Tsaychömi rey kananpaq munanqänö kawakuqkunata churayäshayki. Paykunam tantiyakuq y yachayyuq kar alli rikäyäshunki>>.

<<Mana cäsukuq tsurïkuna, ¡noqaman kutikayämuy! Kutikayämuptikim mana cäsukuq kayanqaykipita perdonayäshayki. <<Tsay witsaymi Israel runakuna niyämanqa: <Tayta, noqakunaqa qammanmi kutikayämü. Noqakunapaqa qammi Diosnïkuna kanki.

Norti kaqläpa rikar Israel nación runakunata niy: <<DIOS YAYAM nin: <¡Mana cäsukuq Israel runakuna, noqaman kutiyämuy! Kutiyämuptikim kushishqa chaskishayki. Llakipäkuq karmi mayjina piñashqa kaykarpis perdonashayki.

Peru mana cäsukuq kaynikikunawan jutsayuq kayanqaykita reconöcikuyay. Qamkunam juk warmi adulteriuchö kanqannö rämasapa jachakunapa chakinchö juk dioskunata adorayanki. Noqa DIOS YAYAM nï> >>. DIOS YAYAM nin: <<Mana cäsukuq wamralläkuna, noqaman kutikayämuy. Qamkunam noqapa kayanki. Kutikayämuptikim cada markapita jukta y cada castapita ishkayta Siónchö täkuyänaykipaq churayäshayki.