Popular Bible Verses from Isaías 35

Share

Tsay nänipam DIOS YAYA salvanqan runakunalla Jerusalénman kutiyämunqa. Kushishqa cantaraykarmi Siónman yaykayämunqa. Tsaychömi imaypis kushishqalla kawakuyanqa. Imaypis kushishqa alli kawakuyaptinmi llakikuywan waqaypis kanqanatsu.

Manärayaptiki makikikuna warkakaqnö kaptin y alalaychö qonqurnikikuna watakaqnö kaptinpis valorakuyay. Mantsakaqkunata nishun: <<¡Ama mantsakäyaytsu! ¡Valorakuyay! ¡Diosnintsikmi yanapayäshunki! Ñakatsiyäshuqnikikunatam castiganqa. Kikinmi shamur salvayäshunki>>.

Tsaymanmi nänipis chanqa. Tsay nänipam shutin kanqa: Diosman Chäna Sagrädu Näni. Jutsa ruraq runakuna manam tsay nänipa puriyanqatsu. Mana yachayyuq runakuna manam tsay näniman jaruyllapis jaruyanqatsu. Dios Yaya munanqannö kawaq runakunallam tsay nänipa puriyanqa.

Tsaymi qaprakunapis rikäyanqa. Mana wiyaqkunapis wiyayanqa.

Ratakunapis lluytsunöraqmi saltaykachäyanqa. Mana parlaqkunapis shiminkuna pashtaptinmi kushikur cantayanqa. Desiertukunachömi atska yaku pashtamunqa. Tsaki patsakunapam mayunöraq yaku aywanqa.