Popular Bible Verses from Efesios 1

Share

Shonquykikunachö tsaynö tantiyatsiyäshuptikim musyayanki Dios Yaya qayashurniki imapaq salvayäshunqaykita, alläpa alli herenciata chaskiyanqaykita y payman creyikuqkunata poderninwan shumaq yanapanqanta. Tsay poderninwanmi Jesucristuta wañunqanpita kawaskatsimur gloriachö derëchu kaq lädunman jamatsishqa. Jesucristutam Dios Yaya churashqa kay vïdachö y wak vïdachöpis poderösu kananpaq. Tsaymi angelkunapita, supaykunapita y pïmaypitapis mas poderyuq kaykan.

Kay patsata manaraq kamarmi Jesucristuman Dios Yaya churamarnintsik paypa puntanchö jutsannaq y santu kanapaq akramarqantsik. Kuyamarnintsikmi kikin munanqannö destinamarqantsik Jesucristo rayku wamran kanapaq.

Llakipäkuq karmi Tsurinpa yawarninwan rantimarnintsik llapan jutsantsikkunapita perdonamashkantsik.

¡Señor Jesucristupa Taytan Dios Yaya alabashqa kaykullätsun! Jesucristuchö kashqam gloriachö kaykaq imaykaläya bendicionninkunata qaramashkantsik.