Popular Bible Verses from Eclesiastés 7

Share

Imapitapis sas ama piñakunkitsu. Mana yachayyuq runakunallam tsaynö piñanakuyan.

Tranquïlu kawanapaq permïtishqa kaykaptinqa kushishqa kawakunki. Ñakaychö kanapaq permïtishqa kaykaptinqa tantiyanki kushikuypis llakikuypis Dios Yayapita kanqanta. Peru waray warantin imanö kanaykipaq kanqantapis manam musyankitsu.

Ima aruytapis kushishqa qallaykurmi ushaskirqa masraq kushikuntsik. Imallapitapis sas piñanqaykipa rantinmi mas alli pacienciakunqayki.

Kay patsachöqa manam ni pipis kantsu allillata ruraq y jutsata imaypis mana ruraqqa.

Yachayyuq kay y rïcu kaypis imayka peligrupitam tsapäshunki. Tsaymi yachayyuq runaqa rïcu runapitapis mas alli kawayta tarin.

Alli runa kanqantsikta pïmaypis parlanqanmi chaniyuq perfümipitapis mas alli. Wañunqantsik junaqmi yurinqantsik junaqpitapis mas alli.

Mana yachayyuq runa aläbamanqantsikpita mas allim kanman yachayyuq runa consejamanqantsik.

Ushakaqlla kaykarqa kawanqantsikyaq wañukuqlla kanqantsikta yarpäshun. Fiestaman aywanqantsikpa rantinmi mas alli aya täpapukuq aywanqantsik.

Yachayyuq runaqa wañuqlla kanqantam tantiyan. Peru mana yachayyuq runam sïqa ni imatapis mana yarpachakuypa fiestan fiestan purikun.