Popular Bible Verses from 2 Tesalonicenses 2

Share

Imata niyäshunqaykitapis ama chaskiyaytsu. Jesucristo kutimunanpaqqa puntata atskaq runakunaraqmi Dios Yayapa contran shäriyanqa. Tsaynöllam anticristupis shamunqa. Paytam Dios Yaya infiernuman jitarpunqa.

Peru wawqikuna y panikuna, qamkunatam Dios Yaya kuyayäshurniki salvayäshunaykipaq qallananpitana akrayäshushkanki. Kananqa Jesucristupa willakuyninta chaskikur payman confiakuyaptiki y Diospa poderninchö kawakuyänaykipaq Espíritu Santu yanapayäshuptikim salvayäshushkanki. Tsaynö salvayäshunqaykipitam Dios Yayata imaypis agradëcikuyä.

Anticristo shamurmi Dios Yayata ni imatapis runakuna adorayänanta munanqatsu, sinöqa kikillantana adorayänantam munanqa. Tsaymi payta adorayänanpaq Dios tukurnin Dios Yayapa templunman yaykuskir jamanqa.

Kikin Señornintsik Jesucristo y kuyamaqnintsik, imaypis animatsimaqnintsik y puntanman pushamaqnintsik Taytantsik Dios Yaya yanapaykuyälläshuy mana llakikuyänaykipaq, pïmaytapis alli shimillaykikunapa parlapäyänaykipaq y allikunata rurar kawakuyänaykipaq.

Mana chaskiyanqanpitam Dios Yaya paykunata pantatsinqa anticristuta chaskikuyänanpaq.

Jesucristo manaraq kutimuptinmi Satanáspa poderninwan anticristo tukuyläya milagrukunata ruranqa. Tsaynöpam infiernuman jitarpushqa kayänanpaq destinashqa kaqkunata engañanqa. Paykunaqa Jesucristupa willakuyninta mana chaskirmi salvakuyanqatsu.

Manaraq shamuptinmi mana tantiyatsikuyllapa runakunata Satanás engañaykan Dios Yayata mana cäsuyänanpaq. Tsaparaqta Dios Yaya jipiskiptinmi anticristo shamunqa.