Popular Bible Verses from VYAVALEVI 26

Share

Nangukatambukanga muli enu, nakupwa nguKalunga kenu, kahenu namupwanga muvatu jami.

kaha nangukamihana vula yenu hamwaka wayo, lifuci nalikahanangevi vyakwimaho, kaha mitondo yakumawande nayikemanga mihako yayo.

Kaci nge namutambukanga mwa­ya vilika vyami, nakulamanga jixi­mbi jami nakujilinganga

Nangukaunjisako kulifuci lyenu, namukasavala, kaha kakwexi kuka­pwa umwe mwakamivwisa womako. Nangukahonesa tunyama vavapi ku­lifuci, kaha jipoko jamikwale kajexi kukahita mulifuci lyenuko.

Nangukamilalisa meso ami, nakumihana lusemo nakumivulisa, kaha nangukazamisa luxiko lwami nayenu.

Ami yami Yehova Kalunga kenu, ngwamilowele mulifuci lyaEjipitu mangana muzeneke kupwa muvandungo javo. Kaha ngunahokola mi­kambo yatoka yenu, ngunamitambukisa cakwimana hamahinji enu.

Nangukajika tavanaku yami mu­kaci kenu, kaha mwono wami ka­wexi kukamivwila unyengweko.

Kanda mukalilingila makombeloko, cipwe kulimikila li­kombelo lyakusonga, cipwe lilolwa lyakwimika. Kanda mukahaka lilo­lwa lwakwola kulifuci lyenu mangana mukalifukuleko, mwomwo Ami yami Yehova Kalunga kenu.

Namukalya vyakusweka vize vanalame lyehi Ximbu, kaha vize vyakusweka mwaka namukavilovolamo mwomwo havyevi vyavihya.

Vakwenu vatanu navakahangasana likulukaji, kaha vakwenu liku­lukaji navakahangasana kanunu, kaha vaka-kole jenu navakalindu­muka kujipoko jamikwale kumeso enu.

Kuzungula cenu nacikatwala nahakuhela mihako yavinyo, nakuhela cenu mihako yavinyo nacikatwala nahakukuva. Kulya cenu namukacilyanga nakwikuta, nakutwama ka­nawa kulifuci lyenu cakuzeneka woma.

Namukahangasana vaka-kole je­nu, kaha navakalindumuka kujipoko jamikwale kumeso enu.

Lamenunga jisambata jami, mwivwenga nawa woma wazuvo yami yajila. Ami yami Yehova.