Popular Bible Verses from Joroma 8

Share

Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere.

Pien ango angeo kiber be, akadi to amoto kuo, imalaikan amoto jopug me malo, jame me kare kanataman amoto me waru, twer, boro malo amoto tuto piny, arabo gimoroni kenekene kame kocweo, likame bino twero poko wa ki amara ka Rubanga kame tie i Kirisito Yesu Rwot wa.

Kamanono da, Tipo konyo wa i goro wa; pien likame wan ongeunu epone me lego bala kame opoorenu timo kede, do Tipo nono bako doge pirwa kede cur kalikame wacere.

Nan owac do benyo? Ka Rubanga tie kede wa, ngai kame twero mon kede wa?

Pi mano, nan do likame kobino ngolo kop i wi jo kame tie i Kirisito Yesu.

Keto tam i kom gikame kom mito kelo to, do keto tam i kom gikame Tipo mito kelo kuo kede mulem.

Li, i gigi dedede, wan olounu adikinicel pi ngat kame omaro wa.

Ango angeo be can kame nataman wan otienu neno i kare ni likame romo porere kede deyo kame kobino nyuto ne wa.

Ngai kame bino poko wa ki amara ka Kirisito? Iparunu be peko bino poko wa, amoto cwercuny, amoto itidil, amoto kec, amoto bedo li kede giangapa, amoto gimoro arac kame karuno timere ne wa, amoto epima?

Doko ngat kame neno cuny jo ngeo tam me Tipo, pien Tipo bako doge pi jokacil bala kame Rubanga mito kede.

Pien jo dedede kame Tipo ka Rubanga telo, gin idwe ka Rubanga.

Pien jo kame bedo i kite me kuo me kom keto tam gi i kom gikame kom mito, do jo kame bedo bala kame Tipo mito, keto tam gi i kom gikame Tipo mito.

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

udo Tipo nono kikome en kame tie mino ijura karacel kede tipo wa be wan obedunu idwe ka Rubanga. Aso ka wan idwe ka Rubanga, udo otienu jo kame bino udo winyo mere, di onywakunu udo winyo nono karacel kede Kirisito, ka di ateteni wan otienu neno can kede en me wek mi wa deyo karacel kede en.

Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo.

Pien cwec lung tie daro kede mit adwong pi Rubanga nyuto idwe mege.

Wan ongeo be cwec lung obedo cur kede aramo alit tuno nan.