Popular Bible Verses from Joroma 4

Share

Aburaam bin likame obedo abongo yei, omio likame en eko bedo kede gung i kom cikere ka Rubanga, do yei mere omedo doko tek ameda di emio Rubanga deyo. En oudo engeo kiber be Rubanga oudo twero timo gikame ecikere iye.

bala kame kowandiko be, “Atieko mini idoko papa me atekerin atot.” Komoko cikere noni i nyim Rubanga kame en eyei, ngat kame mio jo oto udo kuo, kede kame mio gikame li bedo tie.

Bin koneke pi dub wa, di oko yaruno en pi mino wa doko jo kopoore.

Aburaam bin obedo kede gen di eko yei, bed bala gikame oudo egeno oudo neeno bala likame twerere. En oudo eyei be ebino doko papa me atekerin atot, bala kame bin Rubanga owaco ne kede be, “Ikwae ni bino bedo tot rom kano.”

Pi mano, cikere kame Rubanga omio Aburaam oudo cungo i yei, tetekeny cikere mere bed gi me kisa, di eko bedo gikame komoko ne ikwae ka Aburaam dedede, likame ne jo kame gwoko Iswil kenekene, do da ne jo kame tie kede yei bala bin Aburaam. Pien Aburaam tie kwaru wan dedede

“Kitie kede winyo jo kame kosasiro gi ki raco gi, jo kame koumo dub gi. Etie kede winyo ngat kame Rwot likame bino maro dub mere i wie.”

Pien iwandik kacil waco be, “Aburaam oyei Rubanga di oko tere be epoore pi yei mere nono.”