Popular Bible Verses from Joroma 14

Share

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil. Pi mano, ngat kame tio ne Kirisito, Rubanga game, doko jo da pwoye.

Ka okuounu, udo okuounu pi Rwot, ka otounu da, udo otounu pire; pi mano, akadi ka okuounu amoto ka otounu, wan obedunu me ka Rwot.

Wek do olubunu yor gikame kelo mulem kede kame mio wa ogero yei wa wan kenwa kenwa.

Pi mano, owekunu ngolo ne jo icegun kop, do akaka manono, oyeunu pi weko keto ne ngat ocelu gikame getaro en amoto kame dwoke cen ki yei mere.

Pien kowandiko be, “Rwot owaco be, bala kame ango akuo kede, cong jo dedede bino riondiko i nyima, doko leb jo dedede bino pako Rubanga.” Pi mano, ngat acelacel kibut wa bino tatamo gikame etimo i nyim Rubanga.

Gamunu dano kame yei mere goro, do likame pi piem kede en i kom tam mere.

In ngai kame mio ingolo kop ne ngatic me dano ace? Ngadwong mere en kame poore ngolo ne kop be epoto amoto be etimo kiber. Kobino kiarao en, pien ngadwong mere karuno mine ecungo.