Popular Bible Verses from Matayo 13

Share

Kodi kopopoto i lobo aber cungo pi dano kame winyo kop ka Rubanga di eko mino edonyo i kuo mere, en eko timo anyakini me yei bala kodi kame wie nyako nyige tol acel i wite acel, ace ot kanyape kede apat ot adek.”

Kodi kopopoto i dier okuto cungo pi dano kame winyo kop ka Rubanga, do pi paro kuo me piny kan kede mito abar ko twilo kop nono di ko mine likame enyako anyakini me yei i kuo mere.

Ka ngatamoro owinyo kop me Ajakanut ka Rubanga di likame en eko keto i kuo mere, Ngarac bino di eko waraso kop kame kocuo i cunye. Ngat nono cal bala kodi kopopoto i yongayo.

Kodi kopopoto i lobo kobedo lela lela cungo pi dano kame winyo kop ka Rubanga, cucuto en eko game kede kilel; do kop nono likame ko keto aliasin i kuo mere, mio en eko kanyakino pi kare acecek. Aso, ka peko arabo itidil moro oko bino pi kop nono, en epoto cucuto.

“Ajakanut me malo cal bala abar kame kokano i poto, kame dano oudo di eko umo pi yomcuny adwong kame etie kede, en eko ot di eko cato gi dedede kame etie kede, di eko wilo kede poto nono.

Apat oko popoto i lobo aber kiko nyak, mogo olingo wi gi kame wit gi tie kede nyige tol acel, mogo ot kanyape, kede mogo ot adek.

Wekunu gin kimeede dongo karacel tuno i kare me kac, di ango ako bino waco ne jokac pi ber cako puputo okitu, di kiko twetweo gi i abungeta pi wango gi, i cen mere gin kiko bino coko kal kiko keto i dero na.’ ”