Popular Bible Verses from Tito 1

Share

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi. A kale muthu u langeka asonhi, mukua kubindumuna, ua uabhela kubhanga mbote. Muthu ua tetuluka, mukua kidi, ua zele, ua di tumina muène.

U xinganeka-phe kuila u mu ta ku uadiakime u kala muthu uoso kala ni kuêla. Munume a muhatuʼê umoxi; anʼê a kala axikani, ka fumane ni kuzangata mba kuxibhaka.