Popular Bible Verses from Loma 14

Share

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla. Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Kixi tu laia, tua laiela Ngana; kixi tu fua, tua fuila Ngana. Uila kiki, kixi tu kala ku muenhu, kixi tu fua, tu athu angene a Ngana.

Uila kiki, tu kaiedienu o ima i bheka paze, ima i bhekela kutungiua mudietu.

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Kuma a ki soneka mu Mikanda Ikôla, exi: Kala ki ngala ku muenhu, eme ngi Ngana, phuna joso ja kà ngi fukamena. O madimi moso ma kà fisala kuila eme muène ngi Nzambi. Mu kieniiki, kala muthu mudietu, ua kà di bhela konda iê kua Nzambi.

Uoso ua bhuila mu kuxikana kuê, mu tambuludienu mu ʼaxaxe kenu, maji ki mu mu kuatese jiphata mu kuxikana kuê.

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.