Popular Bible Verses from Dijingunuinu 6

Share

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile? Anga a a bhana izuatu izela, ene oso a sokelà-ku. Hé a ambela kuma a nhohe-ku hanji kathangana, katé ki tenena o konda ia jiselevende ni akuá o jiphange jâ, oso a-nda ku a jibha ue uila kia a jibhile ene.

Anga ku tunda kabalu kamukuá kakusuka. O ua mondala-ku, a mu bhana o kubheka ita mu ngongo, ni kubhangesa athu kudijibha-jibha mudiâ. Anga a mu bhana kixibhata kia dikota.

Kuma o kizuua kia dikota kia njinda iâ kia tula! O u tena kuimana-bhu, mukua-hi?

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga. O jithéthembua ku diulu anga ji lauka bhoxi, uila mufiku ki u lalumuna jifiku jê kuila ja uisu hanji, kia u tungutisa kuala o kitembu kia dikota.

Kambudi kia jikula o kidimbu kia katatu, ngevu o kiama kia katatu, kixi: Enda kunu! Ngedi ngi tala, kua moneka kabalu kaxikelela. O ua mondala-ku, ua kuata pezu bhu lúkuaku. Anga ngʼivua kala dízui dia mu tunda muʼaxaxe ka iama iuana ia muenhu, dixi: Kizongelu kimoxi kia tiliku mu kizuua kia muvimba ki kalakala o muthu, o sevada izongelu itatu mu kizuua kia muvimba ue ki kalakala o muthu. O mu maji-phe ni mu vinhu, kana kufungisa-mu kima kioso-kioso.

O diulu anga di muangana-ku, mukuâ ni mukanda ki u di futa-futa. O milundu ioso ni ikolo ia sondoloka bhu kididi. Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.