Popular Bible Verses from Dijingunuinu 13

Share

Ima íii, i bhinga unjimu. Uoso o hete, a tange o númelu ia kiama, kuma o númelu iê iene ia dijina dia muthu. O númelu iê, hâma jisamanu ni makuinhi asamanu ni kisamanu.

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Anga u bhinjika ene oso, ni jindenge ni makota, ni jimvuama ni jingadiama, ni jifuôlo ni abhika, kuila ene oso a a te kidimbu ku lúkuaku lua dilu, mba bhu dibhomo. O uoso uambe kusumba mba kusumbisa, kikale u dianga kukala ni kidimbu kia dijina dia kiama, mba o númelu ia dijina diê.

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka. O kiama kia kaiadi kienhiki, anga a mu bhana o kutena kua kuila o kitèka kia kiama kia dianga u ki bhana kubhuima, anga kitèka kia kiama ki zuela hé ki kala ni kutena ue kua kujibha oso a di tunu ku ki bheza.

Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

Ku mítue ia kiamʼiki, anga ngi mona mùtue umoxi-ku uedi kala a u kuamenene ku u jibha, maji o fidila iê ia kù fua anga iluka. Ngongo ioso anga i di uana o kiamʼiki, anga a kala mu ku ki kaiela.

Kienhókio anga ngi mona kiama kiamukuá kí fukunuka mu mavu. Ki kala ni mbinga jiiadi mukuâ ni mbinga ja mbudi, maji ki zuela-phe kala mudikixi. Muenhú anga u kala mu tumina ni kijîngu kioso kia kiama kia dianga bhu pholo iê. Anga u kala mu bhinjika oxi ioso, ni ene oso a tungu-mu, mbé a bheze o kiama kia dianga, ió a mu tele o fidila ia kùfua anga u iluka.