Popular Bible Verses from Dijingunuinu 11

Share

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Maji kia bhiti-phe izuua itatu ni kaxaxe, o muha ua muenhu u tunda kua Nzambi hé u a bokona dingi mu thulu jâ, anga a fundumuka, emana nzànza. Ene oso a a mono, anga a bhuuama ni uôma uavulu!

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.

Mbangi jiiadi ene o mixi iiadi ia midiva, ni tundeia tuiadi, tuemana bhu pholo ia Ngana uavu o ixi. Se bhu kala muthu u sota ku a bhanga kima kiaiibha, mu kanu diâ mu fuafua túbhia tu buidisa o jinguma jâ. Kienhiki uoso u sota ku a kuama, kikale kiene kia mu jibhʼiki.