Popular Bible Verses from Filipe 4

Share

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

Ima ioso nga soko na-iu mua Kristu ió mukua ku ngi bhana o kutena.

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Ioso ima i mua di longo kokuami, i mua ngʼ ivu na-iu, i mua ngi muene na-iu, iene kiá o ima i mu bhanga jinga. O Nzambi mukua ku tu bhana o paze, anga u kala ni enu.

Kalenu mu athu mua tetuluka, athu oso a mʼ ijiie na-kiu. Ngana ua zukama.

Ngejiia kutunuka ni kukala mu kubhindama, ngejiia ue kukala mu kiavulu. Kuene kuoso nga di longo kuila ku ima ioso kia ngʼ ijidila o kuikuta, mba kukala ni nzala, o kukala ku nzungule, mba o kukala ni katolo.

Maji ki nga mu ki zuelela kubhindama, kuma nga di longo kiá kuila uoso ukalelu u ngala, ki uidi kima, ua ngi soko.