Popular Bible Verses from Dialuilu 14

Share

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Jihova hé ua tu uabhela, muene u tu bheka mʼoxi muenhumu, u tu bhana-iu, ixi ia mu kunguluka muene lete ni uiki.

Kale ngó mubhikʼami Kalebe, mukonda uala ni muxima uengi, ua ngi kaiela sè ngó kufula, muene ngó ngi mu bheka mʼoxi iele mu ku londa, an-ê a kà i lundula.

A ambedienu; Ki ngedi eme ngi muthu ua muenhu, eme ngi Jihova, kioso ki mua zuelenu mu mátui mami, kiene muene ki ngi mi bhanga

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Ni Josuué dia Nune, ni Kalebe dia Jefune, ene ue a tokala mu ilolo iele mu londa ixi, a tandula izuatu iâ; anga ambela kilômbo kioso kia anʼa Izalaiele, exi: Ixi i tua bhiti ni ku londa, ixi iauabha kiavulu.

Ni kidi muene-phe, ki ngedi eme ngi muthu ua muenhu, ixi ioso hádia ia kèʼzala ni fuma ia Jihova; mala enhá kia mono unene uami ni isuma i nga bhange mu Ijitu ni mu kikangalakata, maji a ngi bhumina lukuinhi luosʼulu, nguauâ kuívua dízui diami; kidi kiene, ixi ka kà i mona dingi, i nga lokela jitata jâ, ene oso a ngi tènde ka kà i mona.