Popular Bible Verses from Josuué 10

Share

Dikumbi-phe diemana muene, o mbeje ue kiómuene, katé kia zubha o kifuẋi ku tata o phonzo ku jinguma jâ. Manhi ima iii ki iósoneke mu divulu dia Jexele? Dikumbi ue dia nangene-phe kifua kizuua kia muvimba mu kaẋi ka diulu, dia lémbua kutula, lusolo.

Bhenhobho Josuué u ambela Jihova, mu kizuua Jihova kia bhakula a-Mamodi bhu lukuaku lua anʼa lalaiele, u zuela bhu mesuʼa akua Izalaiele, kuila: Dikumbi, imana hanji mu Ngibiione, eie ue, u mbeji, imana mu Dikôlo dia Ajalone.

Né mʼokulu ki kua kexi luua kizuua kinana kala kiki, o ki kia bhiti ue kiluua dingi kukala kia mukuá, kia bhingi Jihova nʼa kʼévua kiókio dízui dia muthu; mbata Jihova ua kexi mu zokela Izalaiele.

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué bhenhobho u a ambela, uixi: Ki mu kale ni kekénha, kana ue kukala ni kimbuua; kolenu muẋima, mu te-bhu ukuenze; mbata Jihova, jinguma jenu joso ji mu lua na-ju, ua-nda ku ji bhanga jinga kienhiki.