Popular Bible Verses from Josuué 1

Share

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.

Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Kala u kindanda, u kole kiambote muxima; kuma o kifuẋi kiki eie muene ua-nda ku ki uanena ibatu ia undundu uâ, mʼoxi i nga lokela jitata jâ ngixi hinu ngi mi bhana-iu.

Kioso kididi ki diota kànda dienu dia kinama, nga mi bhana-kiu mnene, kala ki nga tangela Mozé.

Mubhikʼami Mozé, uafu; kiki-phe balumuka, u zaúke ngiji iii ia Njolodá, ni eie ni kifuẋi kioso kiki, mu bhiẋile mʼoxi i nga-nda ku bhana anʼa Izalaiele.

Kiki-phe Mozé, ngunza ia Jihova, kia zubha kúfua, Jihova u zuelesa Josuué dia Nune, mukalakadi ua Mozé, uixi

Tunde ku kikangalakata, ni ku mulundu ua Libano, katé ku ngiji ia dikota ia Ufalate, ixi ioso ia Mahiti, katé ku musanza ua kalunga ku mbandu i fuila dikumbi, kuene ku mbambe ienu.

Uoso u bhukumukina kizuelu kié, mba u kamba kuívua ima ioso i u muambela, a kale muthu ua ku mu jibha; kia kate-ku eie ku kala u kindanda, u kole kiambote muxima.

Bhitenu mu kilômbo muambele mundu a iudike huta; kuma izuua ki i tena, mua-ndu zaúka Njolodá muenʼiú, ni mu bokone mu tambula ixi ia mi bhana Jihova Nzambi ienu, nʼi kale ixi ienu.