Popular Bible Verses from Tiiaku 3

Share

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.

Mukonda o ibhangelu ia tokala o kuiuka, iene o ibundu ima ku mbutu ja kunu ni kutululuka kuala athu ka moneka mvunda.

Kuma bhuoso bhuala o difutu ni kumesena kuila ima ioso eie ngó, bhu kala ue kavuanza ni isunji ioso ia ima iaiibha.

O dimi diene di tu bheza na-diu Ngana dia Tata, diene ue di tu xinga na-diu athu a a bhanga mu kidifuanganu kia Nzambi. Mu kanu dimoxi mu tunda maka a ujitu, mu tunda o ndaka. Phange jami, tata! Imʼiii ki kiene ki ia tokala kukala!

O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

Maji o dimi-phe, kana muthu luua ua tena ku di tolola! O dimi kimbamba kiaiibha, kiaẋinuka, kiezala ikolakola ia kalunga! O dimi kana muthu u tena ku di tumina!

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.