Popular Bible Verses from Dimatekenu 35

Share

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué. O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Phala bhabha tu tunde-bhu, tu bande ku Betele; nga kà iudike kuenhoko kalatódio ka Nzambi, ua ngʼitaia bhu kizuua kiami kia kubhondalala, anga uia ku ngi bheka njila ioso ioio i nga kuatele.

Nzambi anga u mu ambela, uixi: Dijina diê eie Jakobo, maji dijina dié ki di kala dingi Jakobo, di kale kiá Izalaiele; anga u mu luka kiá Izalaiele.

Jakobo bhenhobho anga u ambela dibhata diê, uixi: Tubhulenu jinzambi ja matumbu joso ji muala-na-ju, mu di bonze mu zuate izuatu iazele.

Kienhókio Nzambi u ambela Jakobo, uixi: Balumuka, u bande bhu Betele, u tunge bhobho; ua kà iudike kalatódio kuenhoko ka Nzambi ua ku tukulukila kizuua ki ua lenga o pholo ia kota dié Izaú.

Mu kuiza-ku-phe, kioso kiala mu lekela, kuma kufua kua mu iza, mona u mu luka dijina dia Ben-oni; maji o tatʼâ-phe u mu luka, uixi: Bejamí.