Popular Bible Verses from Ngalásia 6

Share

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.

Kuma se o muthu ua di fika kukula, manhi muene ki kima, muene ua dinganala. Kala muthu a lole o uendelu uê, mbé o kia ta nzabala, i kale ia kibhangelu kiê-muene, sé kubhindamena kudifikisa mu uendelu ua athu engi. Kuma muthu ua bhingi uambata o kimbamba kiê, muthu uambata o kimbamba kiê.