Popular Bible Verses from Makatukilu 7

Share

Jihova anga u ambela Mozé, uixi: Aluka-ze, nga ku bhange kala u Nzambi kua Falaó; kota dié Alá u kala-phe polofeta ié.

Eme-phe ngi kolesa o muxima ua Falaó, ngi vudisa ijimbuete iami ni madiuanuʼami mʼoxi ia Ijitu. Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ. Mukonda ene uâ kala muthu ua takula o mbangala iê bhoxi, anga ji kituka jinhoka; mbangala ia Alá-phe anga i minha jimbangala jâ ene.

Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Kioso Falaó kia kà zuela ni enu, kia kèla idikiza hanji kidiuanu kienu; bhenhobho ua kʼambela Alá, uixi: Kuata mbangala, u i takuile bhoxi bhu pholo ia Falaó i kituke nhoka. Mozé ni Alá anga a bokona kua Falaó, anga a ki bhanga, kala kia a tumu Jihova; Alá anga u takula o mbangala bhoxi bhu pholo ia Falaó ni bhu pholo ia akua mbèle iê, anga i kituka nhoka.