Popular Bible Verses from Makatukilu 23

Share

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu. Mʼoxi ienu ki mu kala muhatu u seluka, mba u kala mbaku; o konda ia izuua ienu ngi i tenesa muene.

Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga. Né mu kubatuila ngadiama, ku mu lungisa, se ua kambe kulunga.

Kana kuenda ni kabódio; kana kuta lukuaku lué ni mukua phulu, phala ku kala u mbangi ia makutu.