Popular Bible Verses from Makatukilu 20

Share

Eme Jihova, Nzambi ié, nga ku katula mʼoxi ia Ijitu, mu dibhata dia ubhika. Kana kukala ni nzambi jengi bhu pholo iami.

Kana ku di iudikila kiteka kiósonge, né kidifanganu kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu. Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Aiuka kizuua kia sabhalu, nda u ki kôlese.

Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Kalakala mu izuua i samanu, u zubhe kikalakalu kiê kioso. Maji o kizuua kia kasambuadi-phe, kia sabhalu ia ngene ia Jihova Nzambi ié; mu kizuuʼiki kana kubhanga-mu kikalakalu kioso-kioso, né eʼmuene, mba monʼê ua diiala mba ua muhatu, né selevende ié ia diiala mba ia muhatu, né ibhaku ié, né musonhi ua ku tula mu lumbu lué

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Kana kutatela mukuenu umbangi ua makutu mu kima ka ki bhange.

Kana kuta phanda.

Kana kujibha mukuenu.

Kana kunhana.