Popular Bible Verses from Makatukilu 2

Share

Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo. Nzambi anga u mona anʼa Izalaiele, Nzambi anga u suua o dilamba diâ.

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Mona anga u kula, anga u mu bheka kiua kua monʼa Falaó, ua di bhange monʼê, anga u mu luka dijina dia Mozé, kuma uambe, uixi: Nga mu zaúla mu menha.

Monʼa Falaó anga u mu ambela, uixi: Tambula mona iú, u ngi sasele-nê, ngende ni ku ku futa kioso kia tokala. Muhatu anga u tambula o mona, u kala mu ku mu sasa.

Monʼa Falaó ua muhatu, anga u iza ku dʼiẋika mu honga; ilumba iê anga a kala mu kuimajana ku kibumu; muene anga u mona ulungu mu kaẋi ka dibu, u tuma kahatu kê ku u takana.

Mu izuua muenhomo-phe, kuila Mozé ua kulu kiá, u tunda, uia bhuala jiphange jê, anga u kala mu tala ikalakalu iâ ia hadi, anga u mona mukua Ijitu uala mu beta Hebeleu, ene o jiphange ja Mozé. Suí, ku thunda ni ku luiji, ki kuala muthu, anga u jibha mukua Ijitu, u mu sueka mu kisekele