Popular Bible Verses from Efezo 5

Share

Endenu-phe ni kufikisa Nzambi, kala mu anʼ ê a muẋima. Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu. Kumbidilenu o kithangana, kuma izuua íii iaiibha!

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi. Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila. Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

Anga muia ni ku di belesela enu-enu mudienu, mu uôma ua Kristu.

Enu ahatu, beleselenu anumiʼ enu, kala Ngana muène mua mu belesela.

Kiene kimoxi ni enu uê: Kala diiala mudienu a zole muhatuʼê kala kia di zolo muène; o muhatu ue a xile munumiʼê.

Kala ki ambe o Mikanda Ikôla, kuila: Mukonda dia kiki, kiene ki bhekela o diiala di xia tatʼâ ni mamʼâ, hé u di banda ni muhatuʼê; ene kiiadi kiâ anga a biluka xitu imoxi.

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.