Popular Bible Verses from II Kolindo 4

Share

Mukonda etu ki tu kala mu suua ima ia moneka ku mesu, maji o ima ia kambe kumoneka. Kuma o ima ia moneka ku mesu i nanga ngó kathangana, maji o ima-phe ia kambe kumoneka, iene i xalela-ku.

Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua. Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

A tu xina mbandu ni mbandu, maji ka tu tolola. Sai ithangana tu kala mu jiphata, maji ki tu kala ni kikote. Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.