Popular Bible Verses from I Timote 6

Share

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

Kuma kia kidi kiene, o kuxila Nzambi-phe ni kutululuka kuê, nganhu muene ia dikota, kabasa muthu ua tena kusanguluka ni kioso kiala na-kiu.

Mukonda mu ngongʼumu ki tueza-mu ni kima, ki tua-ndu tena ue kuambatamu kima!

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima. Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.