Popular Bible Verses from I Phetele 2

Share

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake. Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu. Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.

Kuma iene o vondadi ia Nzambi, kuila enu mu kubhanga kiambote mu belesa jisemenhi ji tanga o uoua.