Popular Bible Verses from I Nzuá 3

Share

Enu, tata, tuana tuami! O henda ietu i tu di zola na-iu, ki i kale ia maka ngó mu kuzuela mba izuelu ia hatu i tunga ngó bhu dimi. Maji ia fuama i kala henda ia kidi, i di londekeza jinga mu ima ioso i tu bhanga.

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

Mbata o Njimbu i muevu tundé ku dimatekenu ienhiʼii, kuila: Tu di zole mudietu.

Ki mu di uane-kiu, enu phange jami, se mundu ua mi zembe.