Popular Bible Verses from I Kolindo 3

Share

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

Kuma kana muthu u tena kuta dingi disesa diengi, kikale diene ngó diotule kiá kuala Nzambi, muene Jezú Kristu.

Uila kiki, ua kunu ki kima, ua tekela ki kima, maji o ua kulu-phe Nzambi ua tena kukudisa.

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

Kala muthu, o utungilu uê ua kà di monekena mu kizuua kia Kristu. Mukonda o tubhia tua kizuuʼ ikio, tuene tuà kedikiza o ukalakelu ua muthu ni muthu; kuma o tubhia tuene tu lola o utungilu uê, mba ua kidifua kiahi.

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.