Popular Bible Verses from MoaOroma 8

Share

Agi e yi ba ekployaŋ a mbo e la e kpo adzadzi pa la moare la a klo Ahogbrẽ, moahi lo a mi a sla mo.

Ame e bmi ba adlidzi zhezheŋ ba ekplokyeŋ e kpo e gbu ba alo e ngʼba gi e sku oklo baŋ e gbu mbo. Eku, ta la eso, e kpo e gbu mbo. Moanwyeadga, pa la moa la a ri ekʼpo, ta la ayakplo egbregbre ba ongyeŋ a mbo moa a kpo a gbu mbo. Ohuhuhi, ta la omba la ó ba mi a mbo o kpo o gbu mbo. Obiŋ la o wo ongyeŋ, ta la obiŋ la o wo egi eshyẽ ba obiŋ hi a mbo moa a kpo a gbu mbo. Ekplokyeŋ obiŋ hi e kpo e gbu ba alo e ngʼba gi e sku oklo ba Ahogbrẽ mbo. Oklo he lo agi e hwiŋ lo okyku Ekristi Eyesu Adigi angyiŋ.

Nga agi arehwĩ la e siŋ ma, Ogbgaodzi angyiŋ o la o kpo o ghwo la gi. Okyku eshi agi e yi eka ba o fa olu mbo. Ogbgaodzi nga o la o vẽ Ahogbrẽ okyku gi, o la o vẽ ŋa la agyim ba moa a nyom lo a gbu mbo.

Okyku eka he, agi nga é lu la eshi? O wo ba Ahogbrẽ a wo ka la gi le, ayi angyiŋ a wo la a kpo a gbu ka la gi?

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo

O wo boŋ o shri aga boŋ o zga oklo ba egʼba sha, ó shri eku angyiŋ ó ba o shri ó kom ŋo. Ambo o wo boŋ o shri aga o zga otsotsa ba Ogbgaodzi angyiŋ le, aŋo ó hwiŋ eso, ta la opyapyaŋ.

O mbo, agi e kpo e gre ayakplo hi lo mvye, okyku baŋ a la a klo gi angyiŋ!

Ame e tne aga e ka tki, ekʼpo bi é ba e gre ewu bi e la e kpo ohuhuhi nzenze.

Ayi angyiŋ a kpo a gbu baŋ a ngʼba gi á sku oklo ba Ahogbrẽ? Otsla, ta la ewu, ta la avuolo, ta la embyle, ta la ososo, ta la oyla, ta la eku, moa a kpo a gbu ba moa a ngʼba gi a sku oklo ba Ahogbrẽ mbo.

Ahogbrẽ nga la a yi eso moarehwi a yi eka ba aga ba Ogbgaodzi a wo, okyku eshi Ogbgaodzi angyiŋ o vẽ Ahogbrẽ okyku moarehwi ba Ahogbrẽ, eka ba Ahogbrẽ a zga eso ba o kpo-kpo.

Moare ba Ogbgaodzi ba Ahogbrẽ o la o kpo otum pa la mo, moa a wo moanwye Ahogbrẽ angyiŋ.

Ambo moa la a bmi ta la oklo ba egʼba, moa a shri aga mo a zga oklo ba egʼba angyiŋ. Moa la a la a dzi eka ba Ogbgaodzi o la o tsa mo, moa a la a shri aga mo a da otsotsa ba Ogbgaodzi.

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

Ogbgaodzi ba Ahogbrẽ o kŋe ayaŋ ba eso bi o bga ta la eŋa okyku o tsa bi e wo moanwye ba Ahogbrẽ. Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

Okyku eka he arehwĩ á dzu afpu ba Ahogbrẽ o wo baŋ a shri aga baŋ a zga oklo ba egʼba la o daŋ a pre odaŋ ba Ahogbrẽ. Oklo ba egʼba lo o kpo o gbu ba alo o kpaŋ odaŋ ba Ahogbrẽ mbo ku-ku.

Ekployaŋ a mbo ba Ahogbrẽ a kpo obiŋ hi, moa a la a ka ayi ozhẽ okyku o da Ahogbrẽ a tsa moanwye la a wo a baŋ.

Agi e yi, ma-me e ta ohuhuhi, ekployaŋ a mbo ba Ahogbrẽ a kpo moa a la a wu okũ, nga a ta agyim la a vu olo, eka ba ashe a la a sẽ akpyki omba baŋ a mbre anwye.