Popular Bible Verses from MoaOroma 11

Share

Aŋa angyiŋ a kpo ekployaŋ a mbo, aŋa nga a da ekployaŋ a mbo e wo ma okyku eŋa. Ekekʼpo e dzu okyku Ahogbrẽ gbagbu-amo! Amin.

Owlama ba Ahogbrẽ o gre eshri! Okaobmye ba Ahogbrẽ ta la oyioyi baŋ o gre eshri! Ayi a kpo a gbu baŋ a tsa ekplo ba Ahogbrẽ a hwim? Ayi nga a kpo a gbu baŋ a ka otum ba Ahogbrẽ a bmye?

Akpa ba Ahogbrẽ a lu mi le, Ayi a yi eso ba Adigi? Ayi nga a kpo a gbu baŋ a shri ebra a shri a daŋ?

O wo ekakehelo angyiŋ ohuhuhi. Moarehwi ple ba Ahogbrẽ a sheŋ a sla a yi a ra. A kpo eka he okyku okayiekŋe baŋ a wo la alo ma angyiŋ. Ososla baŋ a sla lo, aŋa a kpo okyku okayiekŋe baŋ a wo la alo ma. Ahogbrẽ a sla moare okyku otumokyeŋ ba moa a kpo angyiŋ mbo, ambo a sko otum moarehwi a la a kpo angyiŋ a zga esĩ e mbi, agi e ka adlidzi ba okayiekŋe ba Ahogbrẽ mbo.

E ka, embguebze ba aki ba olivi ba odne lo, moa a ngʼba lo a ygi a bi, nga moa a shri ombgu ba aki ba olivi la a wo akla, a shri a ba nga moa a shri lo a ba a bʼbu lo eble ta la olivi ba odne. Agimi la e wo moaEyahuda mbo e wo eka ba olivi ba akla angyiŋ, nga ohuhuhi agimi e la e pu oraŋ ta la esõ-egbubiŋ pa la moaEyahuda otsotse. Okyku eka he ame e lu e da gimi, agimi e dzĩ moaEyahuda ba moa a ngʼba mo eka embgu a sku aki lo mbo. Agimi nga e nyom egʼba ekayaŋ? Agimi e wo ombgu sha angyiŋ. Agimi e wo oshye ba emgbʼbo lo mbo, emgbʼbo lo angyiŋ e wo oshye bimi.