Popular Bible Verses from Matayo 26

Share

Gwe ta ko konyen ŋa, ko kwakwaddi ta kwakwaddu, anyen möriesi böŋö gwon ti pokin kasu ki; töilyet ti ŋutu ’diri ’de ’dikan kwakwaddu ama mugunya a namunyak.

a nye kulyani ko se adi, Töili liŋ ’be ’beleŋo ko delya, gwe nyona ko tatuja na nan. Mönuŋdye ta ni, ko ti konyen kasu gwe ŋa ko nan i pirit na geleŋ.

A nye iti ŋerot madaŋ, a nye gubakiŋdye mugun kak rupu, a kwakwaddi adi, A, pon Baba, ko bubulö ti ŋilo kopo lo ŋoŋga wusajine kaŋo köyö; ama ti gwe ti gwon gwoso ’deket nio, ama ti gwe gwoso na ’deggi do na.

kogwon kine a rima kwe ti tomoret nagon tomor a Ŋun ko ŋutu kanyit, nagon mo ’bukwe kaŋo kogwon kulya ti ŋutu jore i lalaju na toronjin.

A nagon se nyenyesu nu, a Yesu ’dumuŋdye ambata, a ’boroji ’boroja a pipiŋdye pipiŋdya, a tiŋdi ŋutu kanyit kajujumuk, a kulyani adi, Wuji ta, nyesi ta; ŋina a mugun nio.

a nye ’dumuŋdye koŋo, a nagon nye aje tiŋdu Ŋun tinate nu, a nye tikiŋdye lepeŋat, a kulyani adi, Moji ta kine, ta liŋ

a nye yitwene ko ŋutu kanyit kajujumuk kulo ni, a ryeji se i doto, a nye pije Petero adi, Ada lolor nagon ta ti bulo möŋdu ko konyen ŋa ko nan i pirit na geleŋ ko saa geleŋ ka ’de?

Nan takiŋdya ta adi, nan koti mo ti möju kine pioŋ ti ludweki ti binyo tojo ko ŋilu lor logon nan, mo möji binyo ludukö ko ta i pirit na geleŋ ko Baba i Tumatyan lu.

A Petero iŋge yeyeoro kulya na jam Yesu kune adi, A kokwe nagon sukuri a ko nyuŋ sira nu, do de rerenya nan daŋin musala adi do a ko den nan. A Petero lupöni kaŋo, a gwine gwien parik.

Ŋine ta ki, ti yi iti ta; meddi ta, ŋuto lo tiŋdu nan i tatua lo gwe nyona ko ’dur.

a kirut Yesu kulyani ko lepeŋ adi, Suki baŋdu ilot kanyit i pirit, kogwon ŋutu liŋ logon a ’dumundya baŋdujin kulo mo tatua ko baŋdujin.