Popular Bible Verses from Matayo 19

Share

Ama a Yesu diŋe lepeŋat, a kulyani adi, Ŋutu ti bulö, ama Ŋun bubulö koŋdya ŋo liŋ.

Nyena a se tine gwon a ŋutu murek, ama a se gwe a mugun geleŋ. Nyenagon ŋo nagon Ŋun aje tomor a geleŋ na, ti lele ŋuto gwe ti koŋa se.

A Yesu köti pije adi, Ta ŋona a ko keŋdya le adi, suluja i suluet Kagweyanit a gweja ŋutu ko lalet ko nakwan? a nye kulyani adi, Ko ŋina kwe a ŋuto lalet mo kö ’yi monye ko ŋote, a mo mori ko narakwan nanyit, a se murek mo gwe a mugun geleŋ.

Ama a Yesu kulyani adi, Kölu ta kilo lupudiet ti poŋdi köyö ni, an ta ko teŋ ta lepeŋat; kogwon Tumatyan na Ki a na ŋutu logon gwoso kulo lupudiet.

Ama ŋutu jore logon a ti kokwe mo gwe a ti ’dutet, a ti ’dutet mo gwe a ti kokwe.

Ŋutu liŋ logon aje kö ’yu midijik, kode luŋasirik, kode kiasirik, kode komonye, kode ko ŋote, kode ŋwajik, kode kak jin kogwon karin kwe kulo, mo wuju jore köti gwoso daŋin mia geleŋ, a molu wuji ru na yeŋ nyin.

A Yesu kulyani ko lepeŋ adi, Ko do yöŋo gwon a lo ’but i ŋo liŋ, iti, tugwore tugwör ŋo kunök, ko ’doggi ŋutu lomerika, a do mo gwe ko tukwörien ki yu; a kirut poŋdi ko kipuŋdye nan.

a Yesu waddi pija lepeŋ adi, Nyo do pija nan i kulya ti ŋo na ’but? Lele geleŋ kata logon a lo ’but. Nyena ko do ’de ’dekan lupö i ru, ’depe ’dep saresi.

Köti nan takiŋdya ta adi, Gwon pölilyö ko kamilo i lupö i dili na libira lwölwöŋ lupö na ŋuto kwörinit i Tumatyan na Ŋun.

Nyena nan takiŋdya ta adi, ŋuto logon yaŋdu nakwan nanyit, ake yaŋdu ko kulya ti lupö, a ko nye a yemba nene, lepeŋ a luŋ nye.

A Yesu kulyani ko ŋutu kanyit kajujumuk kulo adi, ’Diri nan takiŋdya ta adi, a nago i ŋuto kwörinit i lupö i Tumatyan na Ki.