Popular Bible Verses from Yuörö 10

Share

A MATAT takiŋdye Mose adi, iti ko Paro yu; kogwon nan lepeŋ lo tupömöni ’yö töili lonyit, se ko töilyet ti kölipönök kanyit, anyen nan böŋö kwekiŋdya kweyesi kwe kune kase kiden, anyen do böŋö nyönyö kökin ŋuro ilot se ko ŋuro lo ŋuro ilot anyen se yiyiŋ ko ŋo a nyo nagon nan a konakin Ŋutu ti Ejipeto, Köti ko kweyesi kwe a nyo nagon nan a kon kase kiden kune; anyen ta böŋö deden adi nan a MATAT.

A MATAT takiŋdye Mose adi, Riörö könin ilot ki yuddya ’dikolo, anyen mudwe pokin i jur lo Ejipeto, kweja adi ŋilo a mudwe logon Ŋutu wawaju. A Mose riöddi könin lonyit ki yuddya ’dikolo; a mudwe lurwö adi ’dii gwe i jur lo Ejipeto liŋ ko perok musala; a se tine tomet ko ’borik, a ŋuto tine ŋien ki kanyit i pirit ko perok musala; ama a Ŋutu ti Yisaraele liŋ gwe ko parara i pirit na gwoŋdi se nu.

A Mose riöddi ture lonyit ki i jur lo Ejipeto, a MATAT joŋdi köbuŋöt lo swöt lo ’yure i lu jur i ŋilu tuparan liŋ, ko i ŋilu tukwaje liŋ; a nagon kak aje waran nu, a köbuŋöt lo ’yure joŋdi mayat. A mayat reki i jur lo Ejipeto liŋ, a se si ’dani i jur lo Ejipeto ’bukuluŋ a ’diko duma parik gwoso nagon Ŋutu köju a ko met ’beron a mo tine meta Köti.