Popular Bible Verses from JOSHUA 1

Share

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U TRAI U Blei jong me u don ryngkat bad me kat sha kaba me leit.”

Wat ai ba kane Ka Kitab Ka Hukum kan jah noh na ka shyntur jong me, hynrei, men ïaipyrkhat ïa ka, synñia sngi, khnang ba men ïoh sumar ban leh katba kum ïa baroh ba la thoh ha ka: naba kumta, men roi ha la ka lynti, bad kumta, men man bha.

Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

Kat ka jaka baroh ba ka poh'jat jong phi kan ïuh, ïa kata nga la ai ha phi, kumba nga la ong ha u Moses.

“U Moses u shakri jong nga u la ïap; namar kata te, to ïeng, to leit sha shiliang kane ka Jordan, ma me, bad une u paidbah baroh, sha kata ka ri ba nga ai ha ki, ha ki khun Israel keiñ.

Te ynda la ïap u Moses u shakri U TRAI, U TRAI u la kren ha u Joshua u khun u Nun, uba u shakri u Moses, U da ong

Naduh ka ri khlaw, bad une u Lebanon, jin haduh ka wah bah, ka wah Ïuphratis keiñ, ka ri ki Hit baroh, haduh ka duriaw bah shaphang sepngi, kan long ka pud jong phi.

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

“To ïaid lyngba ïa ki dara, bad hukum ïa u paidbah, da ong, ‘Pynkhreh ïa ki jingbam; namar ha ki lai sngi phin leit sha shiliang kane ka Jordan, ban leit ïa ka ban ïoh ïa kata ka ri, ïa kaba U TRAI U Blei jong phi u ai ha phi ïa ka ban ïoh kynti.’ ”