Popular Bible Verses from EKSODOS 6

Share

Namar kata, to ong ha ki khun Israel, ‘Nga long ma nga U JEHOBAH, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U JEHOBAH U Blei jong phi, uba wallam noh ïa phi napoh ki jingpynshitom ki Ijipt.

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U JEHOBAH.’ ” Te u Moses u la kren kumta ha ki khun Israel: hynrei, ki, kim shym la shahshkor ïa u Moses namar kata ka jingpisa mynsiem bad namar kata ka jingpynlong mraw bashitom eh.

Ynda kumta, U TRAI u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”