Popular Bible Verses from EKSODOS 32

Share

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

Te U TRAI u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade; ki la ïaid sakma noh kloi na kata ka lynti ïa kaba nga la hukum ïa ki: ki la ïathaw dur khun masi ba la shu saiñ ha ki, bad ki la ïamane ïa u, ki la ai jingkñia ruh ha uta, bad ki la ïa-ong, ‘Une u blei jong me, A Israel, uba la wallam noh artet ïa me na ka ri Ijipt.’ ”

Te haba u Aaron u la ïohi ïa kane, u la tei ïa ka duwan ha khmat jong u: bad u Aaron u la pynbna, u da ong, “Lashai kan long ka jingkhawai ha U TRAI.” Te la dang step ki la ïakhie, bad ki la kñia ïa ki jingkñia thang, bad ki la ïawallam ïa ki jingkñia bapynïasuk; ynda kumta, kita ki paidlang ki la ïashong ban bam bad ban dih, bad ki la ïaïeng joit ban ïalehkai.

Te ha kaba lashai, u Moses u la ong ha uta u paidbah, “Phi la leh ïa ka pop kaba khraw eh: mynta te ngan sa leit kiew sha U TRAI; lehse nga lah ban pynlong ïa ka jingpynïasuk namar ka pop jong phi.”