Popular Bible Verses from ABAROMA 14

Share

Okhuba obwami bwa Nyasaye shibuli khukokhulia nende okhunywa ta, habula nobwobulunjishi, omulembe, nende okhwikhoya, ebia Roho Omutakatifu ahaananga. Ne oukhalabanila Kristo munjila yino, achamisinjia Nyasaye, khandi afuchililwa nabandu.

Nikhuba nikhuliho abalamu, khuli khurio khulwa Omwami; ne nikhuba nikhufwa, khufwitsanga khulwa Nyasaye. Kho kata nikhubaho abalamu, noho nikhufwa khuli aba Omwami.

Khulweshio khukhoyile buli lwosi okhuchoomanga khu akenako akareeranga omulembe nende akokhumbakhana.

Khulweshio, okhuula khuleshe okhukhalachilana eshiina. Habula khulole mbu shikhukhola shiosi shiosi eshiakhachila owashio okhwisichirala noho okhukhola obwonooni tawe.

Okhuba Amahandiko kaboolanga shinga Omwami aboola ari, “Toto shinga endi Nyasaye ouliho mwoyo, buli mundu alisikama imbeli wanje, khandi buli mundu aliyama mbu, endi Nyasaye.” Buli mulala khwifwe alinoosia akeke imbeli wa Nyasaye. .

Mufuchilile omundu omuteshele mubusuubili, ne mulayingana ninaye khu akamapaaroke tawe.

Nawe niwe wina oukhalachilanga omukhalabani wowashio eshiina? Nakomwamiwe okhwahula naba nakholile habwene noho niyonoonile. Ne alanyalilwa, shichila Omwami ali nobunyali bwokhumukhola okhunyalilwa.