Popular Bible Verses from ABAROMA 1

Share

Endi nende obusuubili bwitsuule mu Injiili; niyo obunyali bwa Nyasaye obuhoninjia boosi abasuubila, okhuchaachila khu Abahudi mana okhuloosiakhwo Abamahanga.

Okhuba Injiili yifwimbulanga shinga olwa Nyasaye alunjisinjia abandu; nokhubirira mubusuubili, okhurula okhuchaaka okhuula khuhelelesia. Shinga olwa Amahandiko amatakatifu kaboolanga kari, “Oyo oukholwa omulunjishi okhubirira mubusuubili alamenya.”

Okhurula Nyasaye nalonga eshialo, imeloye eyilanyala okhulolekha netsimoni ta, nobunyalibwe obweinziayo nende obunyasayebwe, biamanyikha obulayi. Biamanyikha okhubirira mubindu bia omwene yalonga. Kho babula eshiokhwikatiliakhwo shiosi shiosi tawe.

Baamanya Nyasaye nebutswa shibamuhelesinjia oluyalilwe ta, kata shibamukhupilanga orio tawe. Habula amapaaro kabwe namakhaya butswa, nachio emioyo chiabwe nemisilu khandi chietsulamwo eshilima.

Bakalukhasinjia obwatoto bwa Nyasaye okhuba obubeeyi, benamilanga nende okhukhalabanila ebia Nyasaye yalonga, mushilenje shiokhwinamila Omulonji mwene, oukhoyile okhwitsoomibwa inziayo! Amina.

Nyasaye yamala okhubisula shinga olwa alikhalachila abandu boosi eshiina khulwa tsimbi tsiabwe nende obwonooni bwabwe obwabakhola, tsimbi tsiabwe etsio tsikalilanga okhumanyikha khwobwatoto bwa Nyasaye.

Shichila mbu bakholanga ako, Nyasaye yabalekha mubwilasi bwabwe bwetsisoni. Kata abakhasi babwe balekha imelo yabwe eyoburulanda nibakhola akoluswa. Munjila ndala eyo, abasaatsa balekha akoburulanda okhuba nabakhasi babwe, ne nibekomba abasaatsa bashiabwe. Abasaatsa bakholanga akeshifwimbwa murwe nabasaatsa bashiabwe. Khulwako bereerera abeene eshinyasio eshibakhoyeele khulwa obumayanu bwabakholanga. Khulwa okhuba abandu abo baloba okhumanyilisia Nyasaye, Nyasaye yabalekha mumapaaro keshifwabwi ako, kho mbu bakhole akabalakhoyeele okhukhola tawe.

Baboolanga mbu, nabachesi, nebutswa nabasilu. Mushilenje shiokhwinamila Nyasaye oulafwitsanga ta, benamilanga ebifwanani ebiakasibwa mukhufwana khwelikoondo liomundu oufwitsanga, elitsisolo eliamanyonyi nende elietsisolo tsimoolanga khwiloba.