Popular Bible Verses from Sekaria 9

Share

Ee ngitunga a Sion, talakaros kichurokis! Ee ngitunga a Yerusalem, kiremasi lokojokon! Kingolikisi a, ebunit ekapolon kus, ebunit ichuruno ani edwangea! Nakaneni epalaana, edokit esikiria, isikiria ni erai itasikiria.

Etubori ngaurukukui a ejie alo Isirael. Tolema ngangolei a ejie alo Yerusalem. Ebilibilaario ngakwaaras na ejiere. Isisili ngesi ngibukui. Epetakin apolou keng wadaang, napei ananam a apei tanang nache. Epetar napei anangolol a Eupurate tanang losal a akwap.

Akolongit ngina, Ekapolon Akuj na erai Akuj kech, eyuuni kesi, loger lo eyuunea ekeyokon esipanit keng. Imaunete kesi anakwap keng loger a asir ana eyei lokiraun.