Popular Bible Verses from Ngiroma 8

Share

Kiyeni ngoni atamar anakiro kadaang, esubi Akuj naajokak ani eya ngulu eminasi ngesi, lu anyara ngesi kotere echami keng.

Kainyo ayeni ayong atamar emam ibore kitiaki ngoni ka amina keng, nyikitiaki akitu kori akiyar, kori ngimalaikae, kori ngapolosio a adis kori agogongu ache na tokona eyei nadis kori namonan ebuni, kori kidiama nadis kori tooma nalup, emam ibore nisubuna daang nikitiaki ngoni ka amina a Akuj na erai ayok kotere Ekapolon yok Yesu Kiristo.

Aloger alopei kangolo, kingaranakini ngoni dang Etau a Akuj, tani kisechaka ngoni, kainyo nyikiyeni ngoni eger lo ejoikinit kilipi, Etau a Akuj ngesi ilipit Akuj kotere ngoni, eriaba elimit ngakiro na nyikiyeni ngoni ngikulepek.

Anakiro kanguna kadaang, anu ngache kilimuni? Ani kibakit Akuj alowae yok, ngae iche kitepegi ngoni?

Emam eriras eringa eyei ni eya ngulu erukito aapei ka Yesu Kiristo.

Ani kiriko iyong ngakiro a eboyor a akwaan, ianyuni akitu. Ani kirik iyong Etau a Akuj, ianyuni akiyar ka ekisil.

Nakaneni kipiuni ngoni ngakiro daang kotere ngesi lo kimina ngoni!

Esibit ayong nyitemio ngichan lua ngirwa kalu ka apolou nakitoodikinio ngoni.

Nyo epedori akitiak ngoni ka amina a Kiristo? Ngichan kitiakete a? Kori ngakiro nakationok, kori aboliaro, kori eron a akoro, kori eboot, kori ni ekot akiwan, kori akitu?

Ani Akuj na eripit ngitai a ngitunga, eyeni ngitamen a Etau alo a Akuj kangolo, kainyo ilipanakini Etau ngolo ngitunga a Akuj, itemem ka ngakiro na echamit Akuj.

Ngitunga lu erikit Etau a Akuj, eraakasi talokookeng a Akuj.

Kainyo lu ibooyete iwapito na esakete ngawat kech, erikito ngitamen kech ngakiro na esakete ngawat kech. Ani lu ibooyete iwapito na itoodikinit Etau a Akuj, erikito ngitamen kech na esaki Etau a Akuj.

Nyisieno Akuj tani Lokookeng lo arai epei bon, abu tajal ngesi kotere ngoni daang! Kona kiinakinea ngesi ngoni Lokookeng a, nyikiinakini ngesi ngoni tani ngiboro luche daang pas a?

Imorikin Etau a Akuj kalu yok kitoodiu atamar kirai ngoni ngide a Akuj. Kona kiraakar ngoni ngide a Akuj, kianyuni ngoni ibore ni idaritor Akuj ngitunga keng esaki apiarea kesi, nabo kianyuni ka Kiristo aapei ibore ni idaritor ngesi Akuj. Kainyo ani kiboliare ngoni loger lokolong aboliare Kiristo, kianyuni ngoni dang apolou keng.

Nakaneni eliwor itwaan emoit a Akuj, erai kerik ngesi eboyor lo erai eka a akwaan, kainyo nyiwapit ngesi etal a Akuj, iteni dir, emam ngesi kona iwapi.

Idarit ibore daang nikolong asubuni Akuj imuit noi akingolikin Akuj itoodiuni talokookeng.

Kainyo kiyeni ngoni atamar tanang tani tokona, eriab ibore nisubuna daang loger a aberu ana edikino idouni.