Popular Bible Verses from Apudunet 15

Share

Tolim ngesi tama, “Ani kiwap esi ngakiro kang lokojokon tosuba na abala ayong iyookino ka akirichun ngitalio kang, nyekerirae ayong esi a ngidekesinei alu ayauni ayong nia Ngimisiri. Arai ayong Ekapolon Akuj naketedeki esi tangalekis.”

Ekapolon Akuj erai agogongu kang, ngesi ekusi ayong, ngesi kayuu ayong. Erai ngesi Akuj kang, epuruuni ayong ngesi, Akuj a apakang, aeo ayong ngakiro a apolou keng.

“Ee Ekapolon Akuj, anikuj mono ikwaanatar iyong anakujo? Ngae ejok akitaleun keng, loger kon? Ngae asubi ngakitoodikinet nakailiilok, ka nakatalarak loger kon?

Iyookini iyong akichikakinet kon, torik ngitunga lu iyuuni iyong. Iriki iyong kesi a agogongu kon, tananga nakwap kon na italeuno.

Tanangut kesi ni enyaritae Mara. Nyemata kesi ngakipi na ayakasi Mara kainyo adwarak tel. Ngakiro nguna enyaritere neni Mara. Kisuburata ngitunga Musa kingita tamasi, “Nyoni kimasi sua?” Kilip Musa Ekapolon Akuj kikaloik, sodi kidodik Ekapolon Akuj ngesi akitoe na achakakini ngesi nakipi, sodi tojoketa ngakipi toliworos namatan. Nak Ekapolon Akuj kesi kaneni ngitalio lu iwapete, sodi nabo kining ngesi kesi kaneni.