Popular Bible Verses from Omwil. 9

Share

Khola ne kamaani buli kumulimo nikwo onyala wakhola sikila e Makoombe niio olikho ocha eyo, mbaayo kumulimo, namwe kamebaasio namwe limanya namwe bukesi tawe.

Lundi nabona ndi asi we nyanga, batima chimbilo lukali se bali nibo baula mu mbilo buli lwoosi tawe, ne banyindaafu buli lwoosi se baula liie tawe. Babaandu bakesi se bali ne siakhulia buli lwoosi tawe, namwe be limanya se bali ne kimiaandu buli lwoosi tawe, namwe barekerefu se banyoola efuma buli lwoosi tawe. Ekhabi embi eli khu buli mundu.

Menya mu busangaafu no mukhasi niye wasiima, chindaalo chowo choosi che bulamu bwa busa nibwo Wele akhuelesia asi we nyanga. Okwo nikwo kumukabwa kwe bulamu bwowo, ne kimilimo kiowo nikio okhola asi we nyanga.

Cha, olie siakhulia siowo ne busangaafu, mala onywe endali yowo ne liliekhoya. Sikila Wele amala khufukiilila nibio okhola.

Bukesi bukhila bulwaani bwe liie, ne kakhali omumayaanu mulala onaka bulayi bukali.

Kamakhuwa ko mukesi kalomalomwa mu khweooya, kauliilikhana khukhila luyoka lwo mwami akari we kookwa eye basilu.

Balamu bamanyile bali balifwa, ne kakhali bafu se bamanyilekho sisiindu siosi siosi tawe namwe se balikho ne kumuruuru kukuundi tawe. Kakaabwe kebililwa khale.