Popular Bible Verses from Omwil. 12

Share

Enyuma wa kano koosi, siliio sisiindu silala poli nisio ndoma sili sino: Ria Wele, mala otiile kamalaka kewe, sikila omundu abuumbwa khulwe bibieene ebio.

Sikila Wele acha khukhalakila buli sisiindu nisio khukhola, sibeele silayi namwe sibi, akhaba bibiindu bibiikholekhela mu bwikisi.

Khebulila Omubuumbi wowo mu ndaalo che buele bwowo, chindaalo chimbi ne chisiili khwola tawe, ne kimiiko ne kikhembiya tawe. Mu miiko ekio oliloma oli, “Ese se ndi ne busangaafu mu menako tawe.” Biise ebio nibio enyanga ne buwaanga ne kumwesi, ne ching'enieesi bikhamaliyilekho, ne kamafuumbi kakhakobole enyuma we fula.

Siise esio lusia lwe esahabu lukhakhalikhe epwakuli eye esahabu ekhatikhe, enyuungu ekhatikhile mu sebele, ne mu ngila eyo ne ng'ene kumukuu kwe khukhwesa kameechi kukhakhalikhe. Ne liloba lilikobola khu liloba nga nilwo liaba, ne roho elikobola khu Wele owakibuumba.

Omwilwachi aloma ali, bukhala mbamo, bukhala mbamo. Bioosi bukhala mbamo.