Popular Bible Verses from Mariko 13

Share

Ji duto nochau nikech an, to ngʼat ma ochungʼ motegno nyaka giko ema noresi.

Beduru motangʼ kendo ritreuru, nikech ok ungʼeyo sa manotimre.

E sa asaya momakue moteru e bura, kik uparru motelo kuom gima duwachi. Wachuru awacha gima omiu mondo uwachi e sa nogono, nikech Roho Maler ema nobed kawuoyo kuomu, to ok un uwegi.

Polo gi piny norum to wechena ok norum ngangʼ.

“Onge ngʼato mongʼeyo odiechiengno kata sa, obed malaike manie polo kata Wuowi, makmana Wuoro kende.

Ka uwinjo ka pinje gore koni gi koni kod humbe mag lwenje to kik kibaji gou. Gik ma kamago nyaka timre, to giko piny to pod ni nyime.

“Omiyo ritreuru nikech ok ungʼeyo sa ma wuon ot nyalo biroe: kata nobi odhiambo kata chuny otieno, kata kogwen, kata ka piny yawore. Kaponi obiro apoya nono to kik oyudi kinindo. Gima awachonu ema, awacho ni ji duto ni, ‘Nenuru!’ ”

Oganda noked gi oganda machielo, kendo pinyruoth noked gi pinyruoth machielo. Piny noyiengni kuonde mopogore opogore kendo kech nobedi e piny. Magi e chakruok mar rem mar muoch ma nobedie.

To Injili nyaka kuong landi e pinje duto.

Ji mangʼeny nobi e nyinga ka hedhore ni, ‘An e en,’ kendo giniwuond ji mangʼeny.

“Nyaka ubed motangʼ, nikech nochiwu e lwet buche mag gwengʼ kendo norodhu gi del e sinagoke. Unuchungʼ kiyalou e nyim jotelo gi ruodhi nikech An, kendo unulandnegi Injili.

Nimar joma wuondore ni gin Kristo to ok gin kod joma wuondore ni gin jonabi to ok gin nothinyre mi tim ranyisi kod honni mondo giwuondgo koda ka joma oyier, ka dipo mano ditimre.

“To e ndalono, bangʼ masirano maduongʼno, “ ‘Wangʼ chiengʼ noimre, kendo dwe ok norieny; Sulwe nolwar koa e polo, kendo chwech mag polo noyiengni!’