Popular Bible Verses from Jo-Efeso 6

Share

Nikech wasigu mwakedogo ok gin dhano, to wakedo gi jotelo, kod ruodhi mag piny motimo mudhoni, kaachiel gi lang chuny maricho modak e kor polo.

To lamuru kuom Roho kinde duto gi kit lamo duto, kendo ka ukwayo. Ka un gima e paro, to beduru mokichore kusiko ukwayo kinde duto ni jomaler duto.

Manreuru gi gige lweny duto mag Nyasaye, mondo eka uchungʼ motegno kutangʼ ne wuond mar Jachien.

Omiyo manreuru mogik gi gige lweny mag Nyasaye, mondo ka kinde mag richo ochopo to uyud teko mar chungʼ kar tiendu kendo kusetimo madwarore duto to mondo uchungʼ.

Ewi mago duto tingʼuru yie maru ka okumba mugengʼogo aserni makakni ka mach moa kuom ngʼat marach. Kawuru ogudu motegno mar warruok kod ligangla mar Roho ma en wach Nyasaye.

Emomiyo nyonuru piny motegno, kutweyo nungou gi kamba mar adiera, kendo kurwako tim makare ka gige lweny mag akor, rwakreuru gi ikruok mar lando Injili makelo kwe kaka wuoche e tiendu.

Mogik, beduru motegno kuom Ruoth, kendo kuom tekone maduongʼ.

Chik mokwongo man-gi singruok wacho niya, “Luor wuonu gi minu mondo ngimani odhi maber, kendo udag amingʼa e piny.”

Nyithindo, winjuru jonywolu kuom Ruoth nikech timo kamano en gima kare.