Jehova Nyasaye wacho niya,
“Ndalo biro ma cham biro bedo mangʼeny,
ibiro golo pur ka ji pod keyo,
kendo mzabibu nonyagi mathoth,
kendo gibiro keto kodhi ka ji pod loso divai.
Yiend mzabibu mangʼeny maber nonyag mathoth e gode duto
mi unubed gi divai mangʼeny.
Bangʼe abiro miyo joga Israel duogi.
“Kendo gibiro gero miechgi mane olokore gundni ma ginidagie,
eka gibiro pidho yiend mzabibu,
kendo madho divai mare.
Gibiro puro puothegi,
kendo chamo nyak margi.
